生活冇咩乐趣，点算？有佢可能好D！

菲常视界 2020-02-24 21:22:52

1

本内容将以粤语成文，不喜请劳烦直接退出。

因为，熊熊只想把内心最直接的感受说出来。

如果，通过普通话的转化，味道就不一样了。

▼ 睇段视频热下身先 ▼

我承认，我份人比较淹尖声闷，比较拣择。从来对BBA无感，接受唔到富豪嘅北欧性冷淡风格，同时又唔识欣赏凌志嘅精装修，无限同林肯之流就更加唔好提喇。

豪华品牌当中，我基本倾向于凯迪拉克同捷豹。但最近睇咗车家嘅“豪华品牌中型车横评”，枉有250匹马力嘅捷豹XEL只比1.5T嘅奔驰C级快D咁多，瞬间无爱。

做人，最紧要开心吖嘛。高晓松点解要离婚，因为“我唔快乐”。《TOP GEAR》主持人Jeremy Clarkson曾经讲过，一辆车不能让你兴奋，不如去搭公交车。

开心快乐好紧要，而我觉得凯迪拉克唔会为任何人任何事而妥协嘅个性，可以为我带来快乐。所以，当凯迪拉克CT5摆系我面前嘅时候，真是有种讲唔出嘅兴奋。

//

平淡嘅生活需要适当被刺激

//

面对CT5点解会兴奋？我开车15年，12年前买车，我自己嘅车都是诚诚恳恳嘅代步工具，太无趣喇。日子过得太平淡，都唔记得自己活咗几多年。生活需要激情，正如夫妻之间总是需要制造适当嘅浪漫情调。

点样先算是一台有激情嘅车？易于操控？咁样讲啦，温顺同“好烂野”嘅女仔同时摆系你面前，你会去追边个？男人无个好人，从来唔知自己几斤几两，但从来都中意挑战难度，寻求刺激同突破。

车都是一样，CT5嘅竞品无一不对市场妥协，追求所谓嘅舒适。就好比一个倒追你嘅女生，你会珍惜咩？而CT5就唔会做过多嘅奉承，坚持自己对操控乐趣嘅追求。前后50:50嘅车身比重，后轮驱动，运动化调教嘅底盘。

驾驶CT5嘅时候你会发现，CT5是有脾气，但你可以驾驭。第一次上车开出停车场，哗，好硬好粗。MRC电磁感应悬挂虽然第一感觉好硬，车辆嘅整体质感好扎实，过颠簸路段嘅时候又觉得底盘处理得好粗暴。

但通过努力驾驭之后，熟悉了CT5嘅脾性之后，又会觉得CT5嘅路感清晰，呢个是驾驶乐趣最基本同最直接嘅表现。狂暴驾驶CT5会有d不安分嘅“抗拒”动作，感觉就快要达到控制极限，但只要你揸稳方向盘，CT5最后都是欲拒还迎。

//

驾驭嘅快感同成功感

//

咩叫豪华？点样先算是豪华？用料上乘考究？大量真皮应用？定抑或是配置足够丰富？堆配置都算是豪华嘅话，咁北京现代早就是豪华车啦。真皮包一包都算是豪华嘅话，咁吉利同传祺都是豪华车啦。

豪华品牌应该是对汽车行业有引领嘅作用，对车坛有贡献，起码是技术领先。我对豪华嘅理解其实更加简单粗暴直接，就是要够浪费！技术同性能要过剩，配置要丰富到用唔到。

首先，CT5是首款采用10AT嘅豪华轿车，搭配嘅机头最大功率为241马力，峰值扭矩为350牛·米，数据上同样是领先水平。数据上睇，CT5已经超过宝马325Li。而且，CT5嘅机头仲有闭缸技术，油耗得以优化。

以前美系车嘅变速箱，总畀人一种印象：傻！唔识降档，反应迟钝。但CT5身上嘅呢台10AT就唔同喇，温柔驾驶嘅时候，动力被变速箱驯化后显得更加平顺舒适。稍微深踩油门，变速箱降档积极好多。

如果进入运动模式，CT5好似食咗伟哥一样亢奋，机头转速基本维持在2500转，以便随时输出源源不断嘅推动力，令你嘅背脊紧贴座椅靠背，手心出汗，呢种是一种驾驭嘅满足感同成功感。

//

无法抗拒嘅颜值

//

除咗核心部件之外，CT5嘅颜值、身材同内涵都是吸睛嘅法宝。从车身尺寸数据来看，CT5要比奔驰C级L、宝马3系Li同埋奥迪A4L等长轴距中型轿车要大一圈，已经接近奔驰E级、宝马5系和奥迪A6等标准轴距嘅中大型轿车。

CT5虽然比同级别中型轿车要长要大，但车内空间一般，腿部空间同横向空间够用，后排头部空间依然促襟见肘。但话翻转头，买得CT5嘅人，空间并唔是主要述求。真是对空间有要求嘅，倒不如去睇睇XT6。

CT5采用咗长鼻头，短屁股同大遛背嘅设计，其“低头翘臀”嘅姿态营造出蠢蠢欲动的性感态势，相当活泼。坐入驾驶舱，中控台并无采用大量真皮包裹，而是选择传统的搪塑工艺，红色缝线同碳纤饰板嘅点缀，为车内平添几分动感。

内饰嘅用料上无“浪费”，所以唔够“豪”，只能靠配置弥补。CT5全系标配LED大灯+日行灯、无钥匙进入、一键启动、双区自动空调，以及带拨片的真皮多功能方向盘等。

就以无钥匙进入来讲，奔驰C级L、宝马3系Li同奥迪A4L全系都无！宝马3系加装需要9900元，奥迪A4L要加4000元。仲有座椅加热，宝马3系都是要选装，盛惠5000元。

最后，CT5嘅顶配车型，更独享后桥机械式LSD限滑差速器、MRC电磁感应避震、Brembo高性能刹车、HUD抬头显示，以及安全驾驶辅助系统，呢d都是竞品无嘅。

//

最后讲多句

//

汽车产品同质化越来越严重，坚持己见却变得“另类”，平淡的生活正需要适当嘅刺激，如果唔是就会被现实麻木。凯迪拉克CT5就是典型嘅另类分子，佢或许能挑起你嘅欲望，对生活增添一份玩味。

完

相关资讯